樂少@錦田鄉村俱樂部

2008年4月5日, 星期六, 天晴 落左成個禮拜雨雨, 今日終於都天朗氣清喇, 大細孖都留響屋企無出街玩LU....又好想帶樂少去跑下草地喎, 咁我就約左CATCAT一齊到錦田鄉村俱樂部度放下狗玩下囉!!! 不過由於餅妹又到左打預防針針既日子, 所以今朝一早就帶左佢去診所先, 打完針針番到屋企就即刻執定行裝帶樂少走喇~ SORRY餅妹!!! 媽咪今次唔帶你去玩喇, 你岩岩打完針針唔好跑得咁激烈呀~ 你要乖乖地留響屋企等我同哥哥番黎丫, 知道嘛?? HEHE, 今次我又偷運樂少搭輕鐵去天水圍喇, 搭車途中有位師奶見到有隻狗狗響個袋度即刻彈開去前面坐呀, 我心諗唔洗咁驚呀?? 樂少唔會出黎咬你個喎!!! 無驚無險去到天水圍站喇, CATCAT仲等埋我去大X樂買LUNCH上佢屋企食添呀~ 樂少真係唔怕生保架, 第一次上到CATCAT屋企行左一圈後已經熟習哂環境喇...仲跳上張SOFA度玩玩具呢!!!! 好彩佢無周圍痾到便便, 等到落左街街先肯痾咋, GOOD BOY!!! 我地食埋LUNCH, 跟住BOOK左貨車司機延遲至3點先開車... 甫一落車唧, 果度有個STAFF就走埋黎話由4月1日起, 每隻狗狗要俾$10既清潔費, 喂喂, 我地平時都會清理喎, 而家仲要收錢, 有冇攪錯呀!!!! 可能見成日有狗會響果度攪活動, 順便掠多一筆狗錢啦~ 呢度真係唔錯, 風景優美, 又有個大草地, 可以同三五知己黎BBQ喎, 大人細路狗狗們都開心呀~ 我尋日就整左南瓜芝士腸MUFFIN呀, 等小朋友玩到攰就有野醫肚啦~ 我地仲帶左上次PUG之堡活動SPONSOR既"寵礦力", 清水同防蚤SPRAY去呢, 咁就玩得舒服又放心啦~ DABBIE既坐姿好型啊~ 樂少同瑤瑤就好為食丫~ 3位小朋友難得既合照~ (左起 : 樂少, DABBIE, 瑤瑤) 樂少突然間好興奮丫, 係咁追住瑤瑤UN-UN呀~ 在旁既DABBIE唯有企埋一邊睇戲啦... 我地BOOK左司機6點半丫, 不過之前果間話無車響錦田呢邊喎, 於是我咪打去第2間CALL車囉, 哈~ 點知個烏龍司機唔識路入黎呀!!! 要勞煩場內哥哥仔教路咋, 仲要貴D添BOR, 激死~ 我地又上左CATCAT屋企抖抖先, 我諗樂少太懷念SOFA既感覺喇, 佢二話不說又跳左上去訓丫~ 坐左一陣, 我同CATCAT就帶埋樂少到"新北江商場"間燉奶佬度食埋晚飯先走呀~ 不過餐廳D人話唔可以抱隻狗狗出黎抖氣喎, 因為食環署捉得好緊丫~ 可憐樂少只可以伸個頭出黎抖氣咋, 陰公咯.....忍多一陣啦, 就會有冰涼冷氣嘆架喇~ 上到輕鐵, 樂少就好舒服咁埃住個袋袋訓著左呀~ 番到屋企幫佢抹左身同手腳咋, 等我聽日先同洗白白啦, 同你玩左成日媽咪都好攰喇.......GOOD NIGHT!!!