Hall1C Shop Day 4, Day 5 &Day 6

4 April 2008 (Fri)今日係菇仔USB既出售~今日返Full Day~ 一返到去就比人叫o左去幫手上上落落帶人去Shop同比錢~不過今日我唔係好高興wor~安排唔係好好, 搞到要買USB既人唔係好方便~仲有, 有D人用部Walkie o黎傾計不在話下~仲私自將個Walkie自己轉o左台唔同人講~到咁上下決定唔o黎佢地, 返o左去Cashier幫手~阿飛一見度我就話："你終於返o黎la~" o係Cashier都係開心好多~有Dorib, 有鯉魚, 有大嬸, 有Wendy佢地, 真係好玩好多~今日開始o係Cashier幫大嬸手做佢助手, 幫佢手收銀~下晝小龍o黎o左拎個Full Set B, 佢認得我wor~我諗住幫佢Check貨, 小龍佢話唔駛la~ 信得過我地wor~小龍佢走o個陣, 我仲同佢講話15號見~ 夜晚六點幾老闆終於都返o左o黎~今日老闆又係簽蠟燭, 所以我又係要幫手拆盒比佢簽~七點幾梁祖祖o黎o左~ 原來佢下晝已經o黎過, 不過我下晝見佢唔度~阿祖佢入o左o黎我地Cashier o個度搵我地老闆~我就梗係勁開心la~ 我兩個最愛一齊o係度wor~阿祖佢買o左隻新碟, 佢要填o個張點心紙, 佢話唔識填wor~老闆話教佢填, 但係佢又話唔駛~ 結果, 最後係我自己話幫佢填既~其實阿祖仲話要買帽ga~ 但係老闆佢好堅持咁話要送比佢wor~本來阿祖話唔好~ 但係講下講下, 阿祖最後都肯比老闆送o左頂帽比佢~佢仲即刻拆o黎戴~ 搞o黎搞去, 搞o左勁耐都開唔度~跟住佢仲要比老闆笑佢大頭仔lor~ HAHA~ 今日真係好開心~ 因為見度我兩個最愛~同埋同老闆佢玩得好開心~ 5 April 2008 (Sat)第二日返Full Day~ 今朝冇咩特別~下晝開始勁忙~ 不過都冇咩野既~ 老闆今日o係電台做完訪問之後就返o左o黎~佢一返o黎我地就勁忙~ Cashier打扙一樣~今日老闆「買簽名, 送T-Shirt」~佢仲要幫手做埋收銀, 個個爭住話要同佢影相~今日o係Cashier大家都笑得好開心~收舖o個陣我仲比o左張Pass老闆簽名tim~ 6 April 2008 (Sun)今日賣GMO Tee + 八達通~今日既安排好好多~一朝勁忙, 幫手買野同Check貨~ 下晝居然有時間出去食Lunch~同埋有得放人出去隔離LCX出Fun~不過我冇出到wor~ 留o左o係度繼續幫手~ 今日成日Cashier有好多爛Gag lor~夜晚七點幾老闆返o黎, 講比佢聽~ 佢都不知幾開心~今晚o係Cashier除o左幫手之外, 仲有既就係影相la~ 臨收舖之前, 我將D開o左箱既貨上架~老闆見度我好忙咁上架, 佢走o黎幫手~其實呢D咁細既細節, 佢都可以唔駛咁緊張幫手~ 所以呢個老闆真係好好ga~ P.S. 下面幾張係5號同6號影既相~ 上面兩張：Cashier內既無聊自拍~ Cashier內的貨架~ 有DVD-R, 有Mug, 有Candle, 等等既貨~ 無聊既合照~ o係Cashier出面影返入o黎既~ 上面三張：影后~ 老闆o係Cashier幫手o個陣偷影既~